恨(うら)みしや沖縄(うちなぁ) 戦場(いくさば)にさらち
世間(しきん)御万人(うまんちゅ)ぬ 袖(すでぃ)ゆ濡(ぬ)らち
PW哀(あわ)りなむん

涙(なみだ)ぬでぃ登(ぬぶ)る 恩納(うんな)山奥(やまうく)に
御万人(うまんちゅ)とぅ共(とぅむ)に 戦(いくさ)しぬじ
PW哀(あわ)りなむん

勝(か)ち戦(いくさ)願(にが)てぃ 山(やま)ぐまいさしが
今(なま)や捕(とぅら)わりてぃ 屋(や)嘉(か)に泣(な)ちゅさ
PW哀(あわ)りなむん

哀(あわ)り屋(や)嘉村(かむら)ぬ 闇(やみ)ぬ夜(ゆ)ぬ鳥(がらし)
ゆるび無(ね)んむんぬ 鳴(な)ちゅが心地(しんち)
PW哀(あわ)りなむん

石川(いしちゃ)茅萱(かやぶ)ちや 無蔵(んぞ)が住(し)み所(どぅくる)
我(わん)やまし内(うち)ぬ 砂地(しなじ)枕(まくら)
PW哀(あわ)りなむん

まし内(うち)ぬ暮(く)らし 知(し)らさていさしが
夢路(いみじ)通(かゆ)わちょてぃ 節(しち)どぅ待(ま)ちゅる
PW哀(あわ)りなむん

煙草(たばく)手(てぃ)に取(とぅ)やい 忘(わし)らていさしが
思事(うむくとぅ)や勝(まさ)てぃ 落(う)てぃん着(ち)かん
PW哀(あわ)りなむん

戦(いくさ)てぃるむんぬ 無(ね)らんどぅんありば
哀(あわ)りくぬ姿(しがた) ならんたしが
PW哀(あわ)りなむん